Page 4 - Good News September 2018 paper

http://decade2020.com

één tye in ons lewe is só hopeloos dat God se Woord nie lig op
die situasie sal werp en ons sal vertroos nie. Ek ken talle ouers
Gwat die Woord van God gebruik om hulle gevoel van hopeloos-
heid omtrent hulle tieners se optrede teen te werk. Hulle gaan na die
kind se kamer en lees eenvoudig die Skrif hardop. Nie net het hoop in
hul eie hart opgevlam nie, maar hulle het ook kort daarna veranderings
in hulle kinders bemerk - selfs wanneer die kind nie daar was om dit
aan te hoor nie.
As jy met hopeloosheid, verlies, siekte of versoekings worstel, moet jy
sorg dat God se Woord voortdurend teenwoordig in jou lewe is.
Koppel jou daaraan soos aan binneaarse voeding en laat dit
onafgebroke deur jou geestelike are vloei. Die lig daarvan sal
hopeloosheid uit jou lewe brand. “Alles wat vooraf in die Skrif
opgeteken is, is tog opgeteken om ons te leer sodat ons deur die
standvastigheid en bemoediging wat die Skrif ons gee, vol hoop kan
wees” (Romeine 15:4). Moet dit nie eens oorweeg om 'n lewe te
probeer bou sonder om God se Woord as kraggereedskap te gebruik
nie; trouens, maak juis dít jou fondament.

Wanneer jy ook al voel jy is in die donker of op onvaste bodem, vra God
om die lig van Sy Woord in jou hart te gee. Sê: “Stuur U lig en U
waarheid dat dié my lei en my bring na U heilige berg” (Psalm 43:3). As
jy wil verstaan hoe die lewe werk, lees net Sy Handboek. As jy moet
weet waarheen jy veronderstel is om te gaan, sal Sy waarheid jou in die
regte rigting stuur, jou pad verlig en voorkom dat jy die pad byster
raak.

Wees honger vir God se Woord soos vir kos. Ontwikkel 'n dors daarna
soos na water. Baai daarin soos in 'n borrelbad. Trek dit aan soos 'n
kledingstuk. Verweef dit met jou siel sodat dit deel word van die
weefstof van jou lewe. As jy dit doen, sal jy nie bloot op die pad
voortsukkel nie; jy sal in die voetligte dans!

NET God se Woord
in ons gemoed,
in ons hart,
en op ons lippe,
sal die duisternis
van leuens verdryf
en ons bewapen
met 'n tweesnydende
swaard
wat kragtiger is
as enige wapen cristovision.tv
wat die opposisie
teen ons kan gebruik!

[NET GENOEG LIG VIR MY VOLGENDE TREE, Stormie Omartian,
Struik Christelike Boeke, 1999]