Page 6 - Good News January 2007 paper

Wat sou gebeur as die Here vandag nie tyd gekry het om ons te
seën nie, omdat ons gister nie tyd gekry het om vir Hom dankie te
sê nie?
Wat sou gebeur as die Here ons môre nie sou lei nie, omdat ons
Hom vandag nie gevolg het nie?
Wat sou gebeur as die Here vandag die Bybel sou wegneem,
omdat ons dit nie gister gelees het nie?
Wat sou gebeur as die Here ons gebede sou beantwoord op
dieselfde manier as wat ons Sy oproep tot diens beantwoord
het?
Wat sou gebeur as Hy in ons behoeftes voorsien op dieselfde
wyse as wat ons ons lewe aan Hom toewy?
Dankie, Here, dat U Woord sê: “Hy behandel ons nie volgens die
sonde wat ons gedoen het nie, en betaal ons nie terug vir ons
misdade nie” (Ps. 103:10).
- Oorgeneem