Page 6 - Good News April 2016 paper
P. 6
Gebroke...
Gebroke...
k sal NOOIT die tyd vergeet
toe God my gebreek het nie.
EEk was nog net 'n paar jaar in
die bediening as predikant van 'n
groot Presbiteriaanse kerk, maar
het bedank.
Ek het natuurlik verwag dat ek
weer net so 'n groot gemeente sou kry, maar dit het nie gebeur nie.
Ek het in baie kerke gepreek, maar het nooit 'n beroep gekry nie.
Na sendingsale het ek my gewend, maar niemand wou my hê nie.
Ek was in 'n finansiële krisis en was raadop. Op 'n dag het Paul
Rader na Toronto gekom om 'n groot veldtog te hou. Ek het
aansoek gedoen om as plekaanwyser op te tree, maar is spoedig
weggewys.
Toe het ek persoonlike werk probeer doen, maar wéér is ek
geïgnoreer. Eindelik het ek liederebundels in die paadjies begin
verkoop. My hart was gebreek. Ek het nie geweet waarheen om
my te wend nie. Dit het gelyk asof ek aan die einde van my
bediening gekom het. Ek het gevoel dat God my nie meer kon
gebruik nie. Ek was desperaat.
Een aand het Paul Rader se sangleier, Arthur McKee, skielik
aangekondig dat hy die groot gehoor sou lei in die sing van 'n nuwe
lied wat so pas die lig gesien het, nl. "Gered". En toe, voor die groot
vergadering van 3 400 mense, wys hy met sy vinger na waar ek
besig was om liederebundels te verkoop, en sê: "Daardie jongman
het hierdie lied geskryf."
Ek het nie geweet waar om te kyk nie en het maar voortgegaan om
liederebundels te verkoop. Toe het die gehoor begin sing. Ek sal dit
nooit vergeet nie! Dit was die eerste keer dat die lied wat ek
geskryf het, gesing is. In later jare sou ek dit dikwels hoor.
Toe ek daardie aand huis toe gaan, het God met my gepraat. In my
hart het daar 'n oortuiging gekom dat die Here my weer sal
gebruik om Sy Woord te bedien. Onverwags ontvang ek eendag 'n
kabelgram uit Londen. Ek is gevra om 'n paar Sondae in die
wêreldberoemde "Spurgeon Tabernakel" te kom preek en het
dadelik ingewillig.
Daarna was ek nooit weer sonder 'n gemeente nie. Ek moes talle
beroepe van die hand wys. Later het daar vir my 'n groot deur in
"The People's Church" in Toronto oopgegaan. Dit was nie lank nie of
ek het oral in die wêreld gereis om die Evangelie te verkondig.
Maar u sien, ek moes gebreek word. God het geweet dat ek
hoogmoedig en ambisieus was. Dus kon Hy my nie gebruik nie. Hy
was verplig om my laag op my knieë te bring deur alles van my
weg te neem, en eers toe ek niks in myself was, gebreek aan Sy
voete, kon Hy my weer vertrou en tot Sy verheerliking gebruik.
(Oswald Smith)