Page 5 - Good News April 2013 paper
P. 5
W illiam Tyndale het die Nuwe Testament in Engels vertaal. Dit
is in Duitsland gedruk. Jare lank is hierdie klein
testamentjies na Engeland gesmokkel totdat Tyndale deur
'n “vriend” verraai is. Nadat hy vir kettery verhoor is, het hy 'n jaar in
die tronk deurgebring in afwagting op sy teregstelling. Hy het die Ou
Testament net betyds klaar in Engels vertaal voordat hy in 1536 op die
brandstapel gesterf het.
Daar het hy sy laaste gebed gebid: “Here, maak die koning se oë oop!”
Die Here het! 'n Jaar later is die druk van die eerste wettige Engelse
Bybel toegelaat. Vandag stem 90% van die King James Bible
woordeliks ooreen met Tyndale se werk!
Nikolai Khamara het as 'n dief tronk toe gegaan en as ‘n Christen
uitgekom. Na die inhegtenisneming van sy pastoor, het die owerhede
gedreig om Khamara te martel om ondergrondse geheime van die
pastoor te verkry. Khamara het sy pastoor verseker: “Ek gee nie om
om vir Christus te ly nie.”
Hulle het toe Khamara se oë uitgesteek. Die pastoor het uitgeroep:
“Hoe kan ek dit aanskou? Jy sal vir altyd blind wees!”
Khamara het geantwoord: “Nou sal ek meer skoonheid sien as wat ek
ooit met my oë gesien het. Ek sal die Verlosser sien!”
Hulle het toe gedreig om sy tong uit te sny. “Prys die Here Jesus
Christus! Nou het ek die hoogste woorde gesê wat gesê kan word. Julle
kan maar my tong uitsny!” Hierdie mense kon nie sy geloof breek nie.
Hy het uiteindelik 'n martelaarsdood gesterf!
[www.persecution.com]