Page 2 - Good News September 2008 paper

GOEIE NUUS / GOOD NEWS
Posbus 1957, Potchefstroom, 2520
JESUS HET GEWEEN...
ierdie drie woorde is die kortste versie in die
Bybel, een van die mees kompakte, en ook
Hemosie-belaaide gedeeltes in die Skrif (Joh.
11:35). Die agtergrond is die dood van Lasarus,
vriend van Jesus. Toe Jesus hoor dat hy siek is, het
Hy nog twee dae vertoef waar Hy was, en toe gegaan
na Betanië waar Lasarus en sy twee susters Martha
en Maria gewoon het. Dit was ongeveer drie
kilometer van Jerusalem af.
Jesus was op hierdie stadium oorkant die Jordaan
(in die omtrek van Jerigo), op die plek waar
Johannes eers gedoop het (Joh. 10:40-41), en waar
hy Jesus ook gedoop het.
Jesus moes dus te voet stap om by Betanië uit te
kom (ongeveer 20 kilometer). Dit sou lank neem om
daar te kom, maar Jesus sou dit doen vir Sy vriende
wat Hom nodig gehad het. Hy sê vir Sy dissipels:
“Laat ons weer na Judéa gaan” (Joh. 11:7).
Hy gaan ten spyte van lewensgevaar, want Sy
dissipels sê vir Hom: “Rabbi, die Jode het onlangs
probeer om U te stenig, en gaan U weer daarnatoe?”
(Joh. 11:8). Dit was Thomas wat later sou sê: “Laat
ons ook gaan om saam met Hom te sterwe” (Joh.
11:16).
Jesus se bereidwilligheid om te gaan, spreek van
die intieme verhouding wat Hy met Lasarus, Martha
en Maria gehad het. Só wil Hy ook in 'n intieme
verhouding met elkeen van Sy kinders staan. Dan
het ons vrymoedigheid om van Hom hulp te verwag
wanneer ons in benoudheid verkeer.
Tog is ONS intieme verhouding met Hom gebrekkig:
wie kan enigiets van Hom verdien? Ons moet eerder
hoop op SY intieme verhouding met ons! Dan word
ons geanker in Sy volmaaktheid teenoor ons onvol-
maaktheid en Hy bied Sy hulp onverdiend!
ns hartlike dank aan mev. JJN du P van Parys
vir 'n debietorder van R100, VivBP van
OBoskop vir R100, en JJGS van Stilfontein vir
R30. Baie dankie dat u na die Stem van die Here
geluister het, en ons hande sterk in hierdie
bedieningstaak!
Die bedrag vir Augustus was dus R230 wat meebring
dat die totale bedrag op ons barometer nou op
R1 560 staan. Ons benodig dus nog 'n maandelikse
bedrag van R1 940 om ons lesers in Fochville te
bereik met die "Goeie Nuus".
Ons is nou bykans by die halfpad-merk, en versoek u
vriendelik om biddend te oorweeg of u ook finan-
sieel by hierdie Bediening betrokke wil raak, 'n
bedrag van R30, R40, R50, of eie keuse maandeliks
wil bewillig (debietorder), en die Goeie Nuus van
God se verlossingsdade aan nog baie lesers bekend
wil stel. Baie dankie! Die Here seën u!
- Redaksie
Toe Lasarus siek was, het die susters na Hom
gestuur en gesê: “Here, hy vir wie U liefhet, is siek”
(vs. 3). Later sou Jesus Self vir Sy dissipels sê:
“Lasarus, ons vriend, slaap; maar Ek gaan om hom
wakker te maak” (vs. 11).
Lasarus, Martha en Maria het hulle huis en hulle
harte gasvry vir Hom oopgestel en in 'n noue
vriendskapsverhouding met Hom gestaan.
Iemand het gesê: “There is a difference between a
house and a home.” 'n Huis is bloot ons blyplek. 'n
Woning. Maar 'n tuiste (“home”) is die familie se
liefdevolle saamleef met mekaar. Die liefde van 'n
vader en 'n moeder wat 'n kind dáár beleef, kan nie
in geld gemeet word nie. Die geborgenheid waar
elkeen veilig voel en “fellowship” met mekaar het,
is onmeetlik. Hoe baie mense wat hierdie
ondersteuningsbasis in hulle lewe kortkom, het al
in misdaad verval? Hoe baie mense wat hierdie
ondersteuningsbasis het, het al uitgestyg in die
samelewing!
Toe die drie hulle huis vir Jesus oopgestel het, het
hulle alles vir Hom gegee. In Sy volmaakte
mensheid het dit vir Hom geweldig baie beteken. In
Sy volmaakte vriendskap het Hy ook dikwels vir
hulle gaan kuier, en SY vriendskap (wat hulle s'n by
verre oortref het) aan hulle gebied. Wat 'n geweldige
vriendskapsverhouding! Hierdie vriendskap het
later gekulmineer in die opwekking van Lasarus.
Ons sou ook kon vra: Hoe sal ons oorwinnend leef?
Wanneer ons groei tot só 'n intieme verhouding dat
ons Hom kan noem: “Dierbare Jesus.” Ons hoop op
Sy volmaakte vriendskap, en daarom hoop ons op
Sy medelye (“compassion”), Sy sorg, Sy omgee, Sy
genade. Maak vriende met Jesus, en vra Hom om
ook jóú Volmaakte Vriend te wees!
R3 500
R3 000
R2 500
R2 000
R1 560
R1 500
R1 000
R500